Eroplan

Eroplan sie dźwignył z Mosznowa nad mroki

Ostatn'ch roz lecioł, to uż sóm trzi roki

Bez padaku wdycki móm kapke bobany

Letuszka nóm rozdowo bómbóny

Tak se ji pytómy, jeśli mo narozki

Focimy przez okno jak ptoszki, obrozki

Nad czorne pobrzeżi pómału klesómy

Podwozek na ziymi – klaskómy

Burgas – Primorsko cesty godzina

Cieszimy se na morze, to ta prziczina

Czymu my tu sóm na pioskowe plaże

Ale bacha bo sie spoli, gdo sie nie maże

Spasitel z wyhlidki se dziwo na fale

O naszóm bezpieczność dbo nieustale

Rudo wlaje wlajka, mómy iść precz z wody

Spasitel nas wygnoł do gospody

Zagorka je piwo, też aj Kamenica

Z radia tu nie gro Gott, Nohavica

Ani mi nie woło z wyprawen Pawera

Urlop jako mo być, no nadhera

Małe rybki caci, pieczóne ziymioki

Giros, palaczinki, miynso na grylu

Smażóny amur, żralok, sacz a szopski sałot

Blagodarja - dziynki

Letuszka w letadle zaś graje diwadlo

Uż my sóm w Mošnowie, dobrze to dopadło

Za tydziyń na Slezskich, grómy z Bidonami

Zuzka tam tańcuje z Jackami

Rojberka a stryki, warzónka ze szpyrkami

Jelito z kapustóm, folklor je bez granic

Sice wiyncej ludzi prziszło na Gorola

Obeszło sie ale bez parazola

Lato już dojyżdżo, finiszujymy

Do jesiyni z motykóm sie przekopiymy

A na Wacława przijedzie Papież

Tego, gdo go nie musi, jo nie musim też

Kropka!